राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहले चैत १३ गते प्रधानमन्त्रीको पद तथा गोपनीयताको शपथ लिने भएका छन्।
शुक्रबार मध्याह्न १२ः३४ बजे शपथ ग्रहणको साइत तय गरिएको छ। शपथ समारोहमा वैदिक–सनातन परम्परा झल्किने कार्यक्रम समावेश गरिएको छ। यसअन्तर्गत १०८ जना बटुकद्वारा स्वस्ति–शान्ति वाचन, १०८ जना बौद्ध भिक्षु तथा लामाद्वारा शुभ–मंगल पाठ गरिनेछ। साथै सात वटा शंखबाट शंखनाद पनि गरिनेछ।
प्रधानमन्त्रीको शपथ लिएपछि बालेन शाहले दिउँसो २:१५ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा पदभार ग्रहण गर्ने कार्यक्रम तय भएको छ।
फागुन २१ गते सम्पन्न प्रतिनिधिसभा निर्वाचनमा रास्वपाले झन्डै दुई तिहाइ सिट जितेको थियो। सोही परिणामअनुसार अब रास्वपाले एकल सरकार गठन गर्ने भएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
